ਟਿੱਪਣੀ ਕਰੋ

ਬੀਜੇਪੀ ਨੇ ਡੇਗੀ ਮਹਿਬੂਬਾ ਦੀ ਸਰਕਾਰ

ਸ਼੍ਰੀਨਗਰ: ਬੀਜੇਪੀ ਨੇ ਪੀਡੀਪੀ ਤੋਂ ਹਮਾਇਤ ਵਾਪਸ ਲੈ ਕੇ ਸਰਕਾਰ ਡੇਗ ਦਿੱਤੀ ਹੈ। ਮੁੱਖ ਮੰਤਰੀ ਮਹਿਬੂਬਾ ਮੁਫਤੀ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਉਨ੍ਹਾਂ ਨੇ ਅਗਲੀ ਰਣਨੀਤੀ ਲਈ ਸ਼ਾਮ ਚਾਰ ਵਜੇ ਮੀਟਿੰਗ ਬੁਲਾ ਲਈ ਹੈ। ਬੀਜੇਪੀ ਨੇ ਕਿਹਾ ਕਿ ਰਾਜ ਵਿੱਚ ਅੱਤਵਾਦ ਵਧ ਰਿਹਾ ਹੈ। ਇਸ ਲਈ ਸਰਕਾਰ ਵਿੱਚ ਬਣੇ ਰਹਿਣਾ ਔਖਾ ਸੀ।

ਬੀਜੇਪੀ ਲੀਡਰ ਰਾਮ ਮਾਧਵ ਨੇ ਕਿਹਾ ਕਿ ਹੁਣ ਗੱਠਜੋੜ ਰੱਖਣਾ ਔਖਾ ਹੋ ਗਿਆ ਸੀ। ਸੂਬੇ ਵਿੱਚ ਅੱਤਵਾਦ ਵਧ ਰਿਹਾ ਹੈ। ਸਰਕਾਰ ਇਸ ਨੂੰ ਰੋਕਣ ਵਿੱਚ ਕਾਮਯਾਬ ਨਹੀਂ ਰਹੀ। ਇਸ ਲਈ ਬੀਜੇਪੀ ਨੇ ਹਮਾਇਤ ਵਾਪਸ ਲੈ ਲਈ ਹੈ। ਯਾਦ ਰਹੇ ਬੀਜੇਪੀ ਨੇ ਵਾਦੀ ਵਿੱਚ ਗੋਲੀਬੰਦੀ ਰੱਦ ਕਰਨ ਦੇ ਦੋ ਦਿਨ ਬਾਅਦ ਹਮਾਇਤ ਵਾਪਸ ਲਈ ਹੈ। ਇਸ ਤੋਂ ਸਾਫ ਹੈ ਕਿ ਮੋਦੀ ਸਰਕਾਰ ਅੱਤਵਾਦੀਆਂ ‘ਤੇ ਕਹਿਰ ਢਹਾਉਣ ਜਾ ਰਹੀ ਹੈ।

ਜੰਮੂ-ਕਸ਼ਮੀਰ ਵਿੱਚ ਪੀਡੀਪੀ ਤੇ ਬੀਜੇਪੀ ਦੀ ਭਾਈਵਾਲ ਸਰਕਾਰ ਸੀ। ਚੋਣਾਂ ਤੋਂ ਬਾਅਦ ਇਹ ਗੱਠਜੋੜ ਹੋਇਆ ਸੀ। ਹੁਣ ਬੀਜੇਪੀ ਵੱਲੋਂ ਹਮਾਇਤ ਲੈਣ ਮਗਰੋਂ ਮਹਿਬੂਬਾ ਮੁਫਤੀ ਦੀ ਸਰਕਾਰ ਡਿੱਗ ਗਈ ਹੈ। 89 ਸੀਟਾਂ ਵਾਲੀ ਜੰਮੂ-ਕਸ਼ਮੀਰ ਵਿਧਾਨ ਸਭਾ ਵਿੱਚ ਬੀਜੇਪੀ ਕੋਲ 25 ਤੇ ਪੀਡੀਪੀ ਕੋਲ 28 ਸੀਟਾਂ ਹਨ। ਇਸ ਤੋਂ ਇਲਾਵਾ ਨੈਸ਼ਨਲ ਕਾਂਗਰਸ ਕੋਲ 15 ਤੇ ਕਾਂਗਰਸ ਕੋਲ 12 ਸੀਟਾਂ ਹਨ।

ਇਸ਼ਤਿਹਾਰ
ਟਿੱਪਣੀ ਕਰੋ

ਬਸੀ ਪਠਾਣਾ ਨਗਰ ਕੌ ਾਸਲ ਸਰਬਸੰਮਤੀ ਨਾਲ ਚੋਣ

ਬਸੀ ਪਠਾਣਾ, 18 ਜੂਨ : ਹਲਕਾ ਵਿਧਾਇਕ ਗੁਰਪ੍ਰੀਤ ਸਿੰਘ ਜੀ.ਪੀ. ਸਥਾਨਕ ਨਗਰ ਕੌਾਸਲ ਦੀ ਚੋਣ ਕਰਵਾਉਣ ਵਿਚ ਲਗਪਗ ਸਫਲ ਰਹੇ | ਚੋਣ ਅੱਜ ਇਥੇ ਐਸ.ਡੀ.ਐਮ. ਜਸਪ੍ਰੀਤ ਸਿੰਘ ਦੀ ਨਿਗਰਾਨੀ ਹੇਠ ਹੋਈ | ਕੌਾਸਲ ਦੇ ਸੀਨੀਅਰ ਮੀਤ ਪ੍ਰਧਾਨ ਦੀ ਚੋਣ ਲਈ ਰਮੇਸ਼ ਕੁਮਾਰ ਸੀ.ਆਰ. ਨੇ ਮੀਟਿੰਗ ਸ਼ੁਰੂ ਹੁੰਦੇ ਸਾਰ ਵਾਰਡ ਨੰ. 1 ਤੋਂ ਪਹਿਲੀ ਵਾਰ ਸਫਲ ਹੋਈ ਸੰਗੀਤਾ ਮਲਹੋਤਰਾ ਦਾ ਨਾਂਅ ਪੇਸ਼ ਕੀਤਾ ਜਿਸ ਦੀ ਤਾਈਦ ਪ੍ਰਧਾਨ ਰਮੇਸ਼ ਚੰਦ ਗੁਪਤਾ ਨੇ ਕਰ ਦਿੱਤੀ | ਇਸ ਮਗਰੋਂ ਮੀਤ ਪ੍ਰਧਾਨਗੀ ਦੇ ਅਹੁਦੇ ਲਈ ਵਾਰਡ ਨੰ. 4 ਤੋਂ ਸਫ਼ਲ ਹੋਈ ਤੇਜ਼ ਤਰਾਰ ਅਤੇ ਜਨ ਹਿੱਤ ਵਿਚ ਡਟਣ ਵਾਲੀ ਰਜਨੀ ਬਾਲਾ ਟੁਲਾਨੀ ਦਾ ਨਾਂਅ ਪਰਵਿੰਦਰ ਸਿੰਘ ਸੱਲ੍ਹ ਨੇ ਪੇਸ਼ ਕੀਤਾ, ਇਸੇ ਦੌਰਾਨ ਮੀਤ ਪ੍ਰਧਾਨਗੀ ਲਈ ਹੀ ਕੌਾਸਲਰ ਵਾਰਡ ਨੰ. 5 ਬਲਵਿੰਦਰ ਸਿੰਘ ਬਿੱਟੂ ਨੇ ਇਸ ਦੇ ਜਵਾਬ ਵਿਚ ਵਾਰਡ ਨੰ. 12 ਤੋਂ ਸਫਲ ਹੋਈ ਰੀਨਾ ਕੁਮਾਰੀ ਦਾ ਨਾਂਅ ਪੇਸ਼ ਕਰ ਦਿੱਤਾ | ਇਸ ਮੌਕੇ ਮੋਹਨ ਲਾਲ ਸੱਪਲ ਨੇ ਰਜਨੀ ਬਾਲਾ ਟੁਲਾਨੀ ਨੇ ਨਾਂਅ ਦੀ ਤਾਈਦ ਕੀਤੀ | ਇਸ ਮਗਰੋਂ ਵੋਟਿੰਗ ਦੀ ਥਾਂ ਕੌਾਸਲਰਾਂ ਤੋਂ ਹੱਥ ਖੜ੍ਹੇ ਕਰਕੇ ਮੰਗੇ ਗਏ ਸਮਰਥਨ ਦੌਰਾਨ ਰੀਨਾ ਕੁਮਾਰੀ ਦੇ ਪੱਖ ਵਿਚ ਉਸ ਦੇ ਹਮਾਇਤੀ ਬਿੱਟੂ ਸਮੇਤ ਦੋ ਹੱਥ ਖੜ੍ਹੇ ਹੋਏ | ਪ੍ਰੀਜ਼ਾਈਡਿੰਗ ਅਧਿਕਾਰੀ ਨੇ ਰਜਨੀ ਬਾਲਾ ਟੁਲਾਨੀ ਦੇ ਚੁਣੇ ਜਾਣ ਦਾ ਐਲਾਨ ਕੀਤਾ | ਇਸ ਮੌਕੇ ਕਾਰਜ ਸਾਧਕ ਅਫ਼ਸਰ ਸੁਧੀਰ ਸ਼ਰਮਾ, ਨਗਰ ਕੌਾਸਲ ਮੈਂਬਰ ਜਰਨੈਲ ਸਿੰਘ ਨਾਹਰਾ, ਕੌਾਸਲਰ ਰੇਨੰੂ ਬਾਲਾ, ਜਯੋਤੀ ਮਲਹੋਤਰਾ, ਜਸਵਿੰਦਰ ਕੌਰ, ਰਵਿੰਦਰ ਕੁਮਾਰ ਪੱਪੂ, ਅਨੂਪ ਸਿੰਗਲਾ, ਵਰਿੰਦਰਪਾਲ ਕੌਰ, ਸ਼ਾਮ ਸੁੰਦਰ ਗੌਤਮ, ਅਸ਼ੋਕ ਗੌਤਮ, ਰਣਧੀਰ ਸਿੰਘ, ਦੌਲਤ ਰਾਮ, ਰਮੇਸ਼ ਗੁਪਤਾ, ਸੋਹਨ ਲਾਲ ਮੈਨਰੋ ਅਤੇ ਮਾ. ਪ੍ਰਕਾਸ਼ ਸਿੰਘ ਆਦਿ ਵੀ ਪੁੱਜੇ ਹੋਏ ਸਨ |

ਟਿੱਪਣੀ ਕਰੋ

ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਦੇ ਵਿਰੋਧ ‘ਚ ਟਰੱਕ ਮਾਲਕਾਂ ਵਲੋਂ ਦੇਸ਼ ਵਿਆਪੀ ਹੜਤਾਲ

ਨਵੀਂ ਦਿੱਲੀ, 18 ਜੂਨ (ਏਜੰਸੀ)-ਟਰੱਕ ਮਾਲਕਾਂ ਅਤੇ ਆਪ੍ਰੇਟਰਾਂ ਨੇ ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਅਤੇ ਥਰਡ ਪਾਰਟੀ ਬੀਮਾ ਪ੍ਰੀਮੀਅਰ ‘ਚ ਵਾਧੇ ਖ਼ਿਲਾਫ਼ ਸੋਮਵਾਰ ਤੋਂ ਦੇਸ਼ ਵਿਆਪੀ ਹੜਤਾਲ ਸ਼ੁਰੂ ਕਰ ਦਿੱਤੀ ਹੈ। ਆਲ ਇੰਡੀਆ ਕਨਫ਼ੈਡਰੇਸ਼ਨ ਆਫ਼ ਗੁਡਜ਼ ਵਹੀਕਲਜ਼ ਆਨਰਜ਼ ਐਸੋਸੀਏਸ਼ਨ ਦੇ ਪ੍ਰਧਾਨ ਚੰਨਾ ਰੈਡੀ ਨੇ ਦੱਸਿਆ ਕਿ ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਅਤੇ ਥਰਡ ਪਾਰਟੀ ਬੀਮਾ ਪ੍ਰੀਮੀਅਰ ‘ਚ ਵਾਧੇ ਖ਼ਿਲਾਫ਼ ਅੱਜ ਸਵੇਰੇ ਅਣਮਿਥੇ ਸਮੇਂ ਲਈ ਹੜਤਾਲ ਸ਼ੁਰੂ ਕੀਤੀ ਗਈ। ਦੇਸ਼ ਵਿਆਪੀ ਹੜਤਾਲ ਦੌਰਾਨ ਤਤਕਾਲ ਪ੍ਰਭਾਵ ਨਾਲ ਕਰੀਬ 90 ਲੱਖ ਟਰੱਕਾਂ ਦੀ ਸੜਕਾਂ ਤੋਂ ਦੂਰ ਰਹਿਣ ਦੀ ਉਮੀਦ ਹੈ ਅਤੇ ਦੇਸ਼ ਭਰ ‘ਚ ਕਰੀਬ 60 ਫ਼ੀਸਦੀ ਤੋਂ ਵੱਧ ਟਰੱਕ ਸੜਕਾਂ ‘ਤੇ ਨਹੀਂ ਉਤਰਨਗੇ। ਰੈਡੀ ਨੇ ਕਿਹਾ ਕਿ ਸਰਕਾਰ ਦਾ ਤਰਕ ਇਹ ਹੈ ਕਿ ਤੇਲ ਦੀਆਂ ਕੀਮਤਾਂ ‘ਚ ਵਾਧਾ ਅੰਤਰਰਾਸ਼ਟਰੀ ਕੀਮਤਾਂ ਕਾਰਨ ਹੋਇਆ ਹੈ। ਪਰ ਸਾਨੂੰ ਲੱਗਦਾ ਹੈ ਕਿ ਕੀਮਤਾਂ ‘ਚ ਵਾਧੇ ਦਾ ਕਾਰਨ ਅੰਤਰਰਾਸ਼ਟਰੀ ਕੀਮਤਾਂ ਨਹੀਂ ਬਲਕਿ ਕੇਂਦਰ ਅਤੇ ਸੂਬਿਆਂ ਵਲੋਂ ਲਗਾਏ ਉੱਚ ਟੈਕਸ ਹਨ। ਡੀਜ਼ਲ ਦੀਆਂ ਕੀਮਤਾਂ ਅਤੇ ਪੈਟਰੋਲੀਅਮ ਉਤਪਾਦਾਂ ਨੂੰ ਜੀ. ਐਸ. ਟੀ. ਦੇ ਘੇਰੇ ‘ਚ ਸ਼ਾਮਿਲ ਕਰਨ ਦੀ ਮੰਗ ਕਰਦਿਆਂ ਪੱਛਮੀ ਬੰਗਾਲ ਟਰੱਕ ਆਪ੍ਰੇਟਰ ਐਸੋਸੀਏਸ਼ਨ ਦੇ ਸੰਯੁਕਤ ਸਕੱਤਰ ਸਜਲ ਘੋਸ਼ ਨੇ ਕਿਹਾ ਕਿ ਸੂਬੇ ‘ਚ ਹੜਤਾਲ ਨੂੰ ਲੈ ਕੇ ਚੰਗਾ ਹੁੰਗਾਰਾ ਮਿਲਿਆ ਹੈ, ਜਿੱਥੇ ਕਰੀਬ 3.5 ਲੱਖ ਟਰੱਕ ਸੜਕਾਂ ‘ਤੇ ਨਦਾਰਦ ਹਨ। ਰੈਡੀ ਨੇ ਕਿਹਾ ਕਿ ਇਸ ਦੇ ਇਲਾਵਾ ਟਰੱਕ ਮਾਲਕਾਂ ਨੇ ਬੀਮਾ ਕੰਟਰੋਲ ਵਿਕਾਸ ਅਥਾਰਿਟੀ ਨੂੰ ਥਰਡ ਪਾਰਟੀ ਬੀਮਾ ਪ੍ਰੀਮੀਅਮ ‘ਚ ਕਟੌਤੀ ਕਰਨ ਦੀ ਵੀ ਬੇਨਤੀ ਕੀਤੀ ਹੈ। ਹੜਤਾਲ ਕਾਰਨ ਰੋਜ਼ਾਨਾ ਵਰਤਣ ਵਾਲੀਆਂ ਵਸਤੂਆਂ ਦੀਆਂ ਕੀਮਤਾਂ ‘ਚ ਵਾਧਾ ਹੋਣ ਦੀ ਸੰਭਾਵਨਾ ਹੈ।

ਟਿੱਪਣੀ ਕਰੋ

ਬਸੀ ਪਠਾਣਾ ‘ਚ ਰਾਤ ਸਮੇਂ ਮਠਿਆਈ ਦੀ ਦੁਕਾਨ ਨੂੰ ਲੱਗੀ ਅੱਗ, ਲੱਖਾਂ ਦਾ ਨੁਕਸਾਨ

ਬਸੀ ਪਠਾਣਾ, 17 ਜੂਨ : ਬੀਤੀ ਅੱਧੀ ਰਾਤ ਤੋਂ ਬਾਅਦ ਸ਼ਹਿਰ ਦੇ ਇਤਿਹਾਸਕ ਬਾਜ਼ਾਰ ਛੱਤਾ ਪਰਭੂ ਮੱਲ ਵਿਖੇ ਮਠਿਆਈ ਦੀ ਦੁਕਾਨ ਮੋਟਾ ਭਾਈ ਗੁਪਤਾ ਸਵੀਟਸ ਨੰੂ ਲੱਗੀ ਅੱਗ ਕਾਰਨ ਅੰਦਰ ਪਿਆ ਸਾਰਾ ਸਾਮਾਨ ਸੜ੍ਹ ਕੇ ਸੁਆਹ ਹੋ ਗਿਆ ਜਿਸ ਦੀ ਕੀਮਤ ਲੱਖਾਂ ਵਿਚ ਹੈ | ਮੰਡੀ ਗੋਬਿੰਦਗੜ੍ਹ ਅਤੇ ਸਰਹਿੰਦ ਤੋਂ ਮੰਗਵਾਈਆਂ ਫਾਇਰ ਬਿ੍ਗੇਡ ਦੀਆਂ ਗੱਡੀਆਂ ਨੇ ਆ ਕੇ ਅੱਗ ‘ਤੇ ਕਾਬੂ ਪਾਇਆ | ਦੱਸਿਆ ਗਿਆ ਹੈ ਕਿ ਦੁਕਾਨ ਸ਼ਹਿਰ ਦੀਆਂ ਚੋਣਵੀਂਆਂ ਦੁਕਾਨਾਂ ਵਿਚੋਂ ਇਕ ਹੈ ਜਿਸ ਵਿਚ ਗੈਸ ਸਿਲੰਡਰ ਵੀ ਪਏ ਸੀ ਜਿਨ੍ਹਾਂ ਕਾਰਨ ਹੋਣ ਵਾਲੇ ਮਾਰਕੀਟ ਦੇ ਭਾਰੀ ਨੁਕਸਾਨ ਤੋਂ ਬਚਾਅ ਹੋ ਸਕਿਆ ਜੇਕਰ ਸਿਲੰਡਰ ਫਟ ਜਾਂਦੇ ਤਾਂ ਆਸ-ਪਾਸ ਦੇ ਰਿਹਾਇਸ਼ੀ ਖੇਤਰਾਂ ਦਾ ਵੀ ਨੁਕਸਾਨ ਹੋ ਸਕਦਾ ਸੀ | ਦੁਕਾਨ ਮਾਲਕਾਂ ਨਿਤਿਨ ਅਤੇ ਅਵਿਨਾਸ਼ ਗੁਪਤਾ (ਦੋਵੇਂ ਭਰਾ) ਨੇ ਦੱਸਿਆ ਕਿ ਦੁਕਾਨ ਦੀ ਦੂਸਰੀ ਮੰਜ਼ਿਲ ‘ਤੇ ਬਿਹਾਰੀ ਨੌਕਰ ਸੌਾਦੇ ਹਨ ਜਿਨ੍ਹਾਂ ਨੇ ਅੱਧੀ ਰਾਤ ਮਗਰੋਂ ਅੱਗ ਲੱਗਣ ਬਾਰੇ ਸਾਨੰੂ ਘਰ ਆ ਕੇ ਦੱਸਿਆ | ਨੌਕਰਾਂ ਅਨੁਸਾਰ ਦਮ ਘਟਣ ਜਿਹੇ ਹਾਲਾਤ ਵਿਚ ਉਨ੍ਹਾਂ ਦੀ ਅੱਖ ਖੁੱਲ੍ਹੀ ਤਾਂ ਹੇਠਾਂ ਸੜ ਰਹੇ ਫਰਿੱਜ਼ ਫ਼ਰਨੀਚਰ ਤੇ ਹੋਰ ਸਾਮਾਨ ਦੇ ਸੜਨ ਦਾ ਨਿਕਲ ਰਿਹਾ ਧੰੂਆਂ ਨਜ਼ਰੀਂ ਪਿਆ ਤੇ ਛੇਤੀ ਹੀ ਹਾਦਸੇ ਦਾ ਪਤਾ ਚੱਲ ਗਿਆ | ਇਸ ਮਗਰੋਂ ਅੱਗ ਬੁਝਾਉਣ ਦੇ ਸਾਧਨ ਜੁਟਾਏ ਗਏ | ਅੱਗ ਲੱਗਣ ਦਾ ਰੌਲਾ ਸੁਣ ਕੇ ਆਸ-ਪਾਸ ਦੇ ਲੋਕੀਂ ਵੀ ਮੌਕੇ ‘ਤੇ ਪੁੱਜੇ ਅਤੇ ਅੱਗ ਬੁਝਾਉਣ ਦੇ ਯਤਨ ਕੀਤੇ ਗਏ ਪ੍ਰੰਤੂ ਉਸ ਵੇਲੇ ਤੱਕ ਸਭ ਕੁਝ ਸੜ੍ਹ ਕੇ ਰਾਖ ਹੋ ਚੁੱਕਾ ਸੀ | ਦੁਕਾਨ ਮਾਲਕਾਂ ਗੁਪਤਾ ਭਰਾਵਾਂ ਵਲੋਂ ਨੁਕਸਾਨ ਦਾ ਅਨੁਮਾਨ 20 ਤੋਂ 25 ਲੱਖ ਰੁਪਏ ਵਿਚਕਾਰ ਲਗਾਇਆ ਜਾ ਰਿਹਾ ਹੈ | ਇਸ ਦੌਰਾਨ ਹਲਕਾ ਵਿਧਾਇਕ ਗੁਰਪ੍ਰੀਤ ਸਿੰਘ ਜੀ.ਪੀ., ਨਗਰ ਕੌਾਸਲ ਪ੍ਰਧਾਨ ਰਮੇਸ਼ ਚੰਦ ਗੁਪਤਾ, ਓਮ ਪ੍ਰਕਾਸ਼ ਤਾਂਗੜੀ, ਅਸ਼ੋਕ ਕੁਮਾਰ ਟੁਲਾਨੀ, ਪ੍ਰੇਮ ਸਿੰਘ ਖਾਬੜਾ, ਕੌਾਸਲਰ ਰੇਨੰੂ ਸ਼ਰਮਾ, ਕੁਲਦੀਪ ਸਿੰਘ ਪਤਵਾਲ, ਡਾ. ਗੁਰਸ਼ਰਨ ਸਿੰਘ ਰੁਪਾਲ, ਆੜ੍ਹਤੀ ਆਗੂ ਰਾਜੇਸ਼ ਕੁਮਾਰ ਸਿੰਗਲਾ, ਗੁਰਮੀਤ ਸਿੰਘ ਸੂਰੀ ਅਤੇ ਕੌਾਸਲਰ ਰਜਨੀ ਬਾਲਾ ਟੁਲਾਨੀ ਨੇ ਘਟਨਾ ਦਾ ਦੌਰਾ ਕਰਦੇ ਹੋਏ ਪੀੜ੍ਹਤ ਦੁਕਾਨਦਾਰਾਂ ਨਾਲ ਮਿਲ ਕੇ ਹਮਦਰਦੀ ਦਾ ਪ੍ਰਗਟਾਵਾ ਕੀਤਾ | ਗੁਪਤਾ ਭਰਾਵਾਂ ਨਾਲ ਹਮਦਰਦੀ ਦਾ ਸਿਲਸਿਲਾ ਜਾਰੀ ਹੈ | ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ | ਿਖ਼ਆਲ ਕੀਤਾ ਜਾਂਦਾ ਹੈ ਕਿ ਅੱਗ ਜੋਤ, ਅਗਰਬੱਤੀ ਜਾਂ ਬਿਜਲੀ ਦੇ ਸ਼ਾਰਟ ਸਰਕਟ ਤਿੰਨਾਂ ਵਿਚੋਂ ਕਿਸੇ ਇਕ ਕਾਰਨ ਲੱਗੀ ਹੋ ਸਕਦੀ ਹੈ |

ਟਿੱਪਣੀ ਕਰੋ

ਝੀਲ ਦਾ ਨਜ਼ਾਰਾ ਪੇਸ਼ ਕਰ ਰਹੀ ਬਸੀ ਪਠਾਣਾ ਦੀ ਪੁਰਾਣੀ ਅਨਾਜ ਮੰਡੀ

ਬਸੀ ਪਠਾਣਾ/ਨੌਗਾਵਾਂ- ਲੰਮੇ ਸਮੇਂ ਤੋਂ ਪਾਣੀ ਨਿਕਾਸੀ ਦੀ ਸਮੱਸਿਆ ਨਾਲ ਜੂਝ ਰਹੀ ਬਸੀ ਪਠਾਣਾ ਦੀ ਪੁਰਾਣੀ ਅਨਾਜ ਮੰਡੀ ਵਿਚ ਅੱਜ ਥੋੜ੍ਹੀ ਬਰਸਾਤ ਨਾਲ ਹੀ ਡੱਲ ਝੀਲ ਦਾ ਨਜ਼ਾਰਾ ਬਣ ਗਿਆ | ਸ਼ੋ੍ਰਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਗੁਰਮੀਤ ਸਿੰਘ ਧਾਲੀਵਾਲ, ਮਲਕੀਤ ਸਿੰਘ ਮਠਾੜੂ, ਸੇਵਾ ਸਿੰਘ, ਦੁਕਾਨਦਾਰ ਸੁਦਰਸ਼ਨ ਮੜਕਨ, ਸਵਰਨ ਲਾਲ ਅਤੇ ਕਾਮਰੇਡ ਨੱਥਾ ਸਿੰਘ ਆਦਿ ਨੇ ਕਿਹਾ ਕਿ ਪ੍ਰਸ਼ਾਸਨ ਵਲੋਂ ਬਰਸਾਤੀ ਪਾਣੀ ਦੀ ਨਿਕਾਸੀ ਦੇ ਦਾਅਵੇ ਪੂਰੀ ਤਰ੍ਹਾਂ ਖੋਖਲੇ ਹਨ | ਉਨ੍ਹਾਂ ਕਿਹਾ ਕਿ ਕਈ ਵਾਰ ਧਿਆਨ ਵਿਚ ਲਿਆਏ ਜਾਣ ਦੇ ਬਾਵਜੂਦ ਪ੍ਰਸ਼ਾਸਨ ਗਹਿਰੀ ਨੀਂਦ ਵਿਚ ਸੱੁਤਾ ਹੋਇਆ ਹੈ, ਜਦੋਂਕਿ ਦੁਕਾਨਦਾਰਾਂ ਅਤੇ ਰਾਹਗੀਰਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਪੁਰਾਣੀ ਅਨਾਜ ਮੰਡੀ ਦਾ ਰੱਬ ਹੀ ਮਾਲਕ ਹੈ, ਕਿਉਂਕਿ ਜਦੋਂ ਤੋਂ ਨਵੀਂ ਅਨਾਜ ਮੰਡੀ ਬਣੀ ਹੈ ਮਾਰਕੀਟ ਕਮੇਟੀ ਦਾ ਇਸ ਸਮੱਸਿਆ ਵੱਲ ਕੋਈ ਗ਼ੌਰ ਨਹੀਂ ਕੀਤਾ ਜਾਂਦਾ ਅਤੇ ਨਗਰ ਕੌਾਸਲ ਪ੍ਰਬੰਧਕ ਵੀ ਪਾਣੀ ਨਿਕਾਸੀ ਦੀ ਸਮੱਸਿਆ ਤੋਂ ਨਿਜਾਤ ਦਿਵਾਉਣ ਵਿਚ ਨਾਕਾਮ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਇਸ ਸਮੱਸਿਆ ਦੇ ਹੱਲ ਲਈ ਵਿਧਾਇਕ ਗੁਰਪ੍ਰੀਤ ਸਿੰਘ ਜੀ.ਪੀ. ਅਤੇ ਮੰਡੀ ਬੋਰਡ ਦੇ ਚੇਅਰਮੈਨ ਲਾਲ ਸਿੰਘ ਕੋਲ ਵੀ ਗੁਹਾਰ ਲਗਾਈ ਜਾ ਚੁੱਕੀ ਹੈ, ਪੰ੍ਰਤੂ ਅਜੇ ਤੱਕ ਕਿਸੇ ਨੇ ਸਾਰ ਨਹੀਂ ਲਈ |

ਟਿੱਪਣੀ ਕਰੋ

ਜ਼ਿਲ੍ਹੇ ਭਰ ਵਿਚ ਈਦ ਦਾ ਤਿਉਹਾਰ ਉਤਸ਼ਾਹ ਨਾਲ ਮਨਾਇਆ

ਫ਼ਤਹਿਗੜ੍ਹ ਸਾਹਿਬ, 16 ਜੂਨ : ਜ਼ਿਲ੍ਹੇ ਵਿਚ ਵੱਖ-ਵੱਖ ਥਾਵਾਂ ‘ਤੇ ਮੁਸਲਿਮ ਭਾਈਚਾਰੇ ਵਲੋਂ ਈਦ ਦਾ ਤਿਉਹਾਰ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ | ਈਦ ਦੇ ਇਸ ਮੁਬਾਰਕ ਮੌਕੇ ‘ਤੇ ਸ਼ਰਧਾਲੂਆਂ ਦਾ ਅੱਜ ਰੋਜ਼ਾ ਸ਼ਰੀਫ਼ ਫ਼ਤਹਿਗੜ੍ਹ ਸਾਹਿਬ ਵਿਖੇ ਤਾਂਤਾ ਲੱਗਿਆ ਰਿਹਾ | ਇਸ ਮੌਕੇ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ ਗੱਦੀ ਨਸ਼ੀਨ ਹਾਜੀ ਬਾਬਾ ਦਿਲਸ਼ਾਦ ਅਹਿਮਦ, ਜ਼ਿਲ੍ਹਾ ਪ੍ਰੀਸ਼ਦ ਚੇਅਰਮੈਨ ਬਲਜੀਤ ਸਿੰਘ ਭੁੱਟਾ, ਕੌਾਸਲ ਪ੍ਰਧਾਨ ਸ਼ੇਰ ਸਿੰਘ, ਸ਼ਹਿਰ ਦੇ ਕੌਾਸਲਰ ਤੇ ਹੋਰ ਕਈ ਅਹਿਮ ਲੋਕ ਇਮਾਮ ਖਲੀਫਾ ਸਾਦਿਕ ਰਜ਼ਾ ਸਾਹਿਬ ਨੂੰ ਮਿਲੇ ਤੇ ਈਦ ਦੀ ਮੁਬਾਰਕਬਾਦ ਦਿੱਤੀ | ਇਸ ਮੌਕੇ ਸੈਫ਼ ਅਹਿਮਦ ਚੇਅਰਮੈਨ, ਕੌਾਸਲਰ ਗੁਰਪ੍ਰੀਤ ਸਿੰਘ ਲਾਲੀ, ਕੌਾਸਲਰ ਪਵਨ ਕਾਲੜਾ, ਕੌਾਸਲਰ ਗੁਲਸ਼ਨ ਰਾਏ ਬੌਬੀ, ਅਬਦੁਲ ਰਹੀਮ ਕਨੋਤਾ ਤੇ ਐਡਵੋਕੇਟ ਫ਼ਿਰੋਜ਼ ਖ਼ਾਨ ਵੀ ਮੌਜੂਦ ਸਨ |

ਟਿੱਪਣੀ ਕਰੋ

ਸਿੱਧੂ ਵੱਲੋਂ ਮੁਗ਼ਲ ਸਰਾਵਾਂ ਨੂੰ ਹੈਰੀਟੇਜ਼ ਮੈਰਿਜ ਪੈਲੇਸ ਬਣਾਉਣ ਦੇ ਐਲਾਨ

ਚੰਡੀਗੜ੍ਹ: ਪੰਜਾਬ ਦੀਆਂ ਤਿੰਨ ਮੁਗ਼ਲ ਸਰਾਵਾਂ ਹੈਰੀਟੇਜ਼ ਮੈਰਿਜ ਪੈਲੇਸਾਂ ‘ਚ ਤਬਦੀਲ ਹੋਣਗੀਆਂ। ਕਾਂਗਰਸ ਦੇ ਨੇਤਾ ਤੇ ਸਥਾਨਕ ਸਰਕਾਰਾਂ ਮਹਿਕਮੇ ਦੇ ਮੰਤਰੀ ਨਵਜੋਤ ਸਿੱਧੂ ਨੇ ਕਿਹਾ ਕਿ ਇਸ ਕੰਮ ਲਈ 511 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ। ਨਵਜੋਤ ਸਿੱਧੂ 4 ਦਿਨਾਂ ਹੈਰੀਟੇਜ ਦੌਰੇ ‘ਤੇ ਹਨ।

ਸਰਾਵਾਂ ਨੂੰ ਹੈਰੀਟੇਜ ਮੈਰਿਜ ਪੈਲੇਸ ਬਣਾਉਣ ਦੇ ਮੁੱਦੇ ‘ਤੇ ਸਿੱਧੂ ਨੇ ਕਿਹਾ ਕਿ ਪੰਜਾਬ ਤੇ ਵਿਦੇਸ਼ਾਂ ‘ਚ ਵੱਸਦੇ ਪੰਜਾਬੀ ਰਾਜਸਥਾਨ ‘ਚ ਵਿਆਹ ਕਰਨ ਲਈ ਜਾਂਦੇ ਹਨ ਜਦਕਿ ਹੁਣ ਪੰਜਾਬੀਆਂ ਨੂੰ ਇੱਥੇ ਹੀ ਸ਼ਾਹੀ ਤਰਜ਼ ਦੇ ਮੈਰਿਜ ਪੈਲੇਸ ਉਪਲੱਬਧ ਕਰਾਏ ਜਾਣਗੇ। ਸਿੱਧੂ ਨੇ ਦੱਸਿਆ ਕਿ ਇਸ ਨਾਲ ਇੱਕ ਤਾਂ ਪੰਜਾਬ ਦੇ ਲੋਕਾਂ ਨੂੰ ਸਹੂਲਤ ਮਿਲੇਗੀ ਤੇ ਦੂਜਾ ਇਸ ਨਾਲ ਪੰਜਾਬ ਸਰਕਾਰ ਨੂੰ ਵੀ ਵੱਡਾ ਫਾਇਦਾ ਹੋਵੇਗਾ।

ਇਸ ਮੌਕੇ ਸਿੱਧੂ ਨੇ ਕਿਹਾ ਕਿ ਆਮ ਖਾਸ ਬਾਗ ਦਾ ਵੀ ਸੁੰਦਰੀ ਕਰਨ ਕੀਤਾ ਜਾਵੇਗਾ ਜਿਸ ਦਾ ਆਮ ਲੋਕਾਂ ਨੂੰ ਬਹੁਤ ਫਾਇਦਾ ਹੋਵੇਗਾ। ਸਿੱਧੂ ਨੇ ਕਿਹਾ ਕਿ ਪੰਜਾਬ ਦੇ ਜੋ ਵੀ ਟੂਰਿਜ਼ਮ ਸਥਾਨ ਹਨ, ਉਨ੍ਹਾਂ ਦਾ ਸੁੰਦਰੀਕਰਨ ਕਰਨ ਲਈ ਪੰਜਾਬ ਸਰਕਾਰ 590 ਕਰੋੜ ਰੁਪਏ ਖਰਚ ਕਰੇਗੀ। ਇਸ ਲਈ ਇੱਥੇ ਲਾਈਟ ਐਂਡ ਸਾਊਂਡ ਸਿਸਟਮ ਲਾਇਆ ਜਾਵੇਗਾ ਜੋ ਸੈਲਾਨੀਆ ਲਈ ਖਿੱਚ ਦਾ ਕੇਂਦਰ ਬਣੇਗਾ।

ਉਨ੍ਹਾਂ ਦੱਸਿਆ ਕਿ ਇਸ ਦੇ ਸੁੰਦਰੀ ਕਰਨ ਲਈ ਸਰਕਾਰ ਵੱਲੋਂ ‘ਨਾਈਟ ਫਰੈਂਕ’ ਕੰਪਨੀ ਨੂੰ ਇਸ ਦਾ ਕੰਮ ਸੌਂਪਿਆ ਗਿਆ ਹੈ ਜੋ ਬਹੁਤ ਜਲਦ ਹੀ ਇਸ ਦਾ ਸੁੰਦਰੀ ਕਰਨ ਕਰਕੇ ਲੋਕਾਂ ਦੇ ਸਪੁਰਦ ਕਰੇਗੀ। ਉਨ੍ਹਾਂ ਕਿਹਾ ਕਿ ਪੰਜਾਬ ‘ਚ ਅਜਿਹੀਆ ਬਹੁਤ ਸਾਰੀਆਂ ਥਾਵਾਂ ਹਨ ਜਿੱਥੇ ਪੰਜਾਬ ਟੂਰਿਜ਼ਮ ਵਿਭਾਗ ਹੋਟਲ ਬਣਾ ਸਕਦਾ ਹੈ।

ਇਸ ਮੌਕੇ ‘ਨਾਈਟ ਫਰੈਂਕ’ ਕੰਪਨੀ ਦੇ ਆਗੂ ਮੋਸਿਸਜ ਨੇ ਕਿਹਾ ਕਿ ਉਨ੍ਹਾਂ ਦੀ ਕੰਪਨੀ ਸਰਕਾਰ ਦੇ ਟੂਰਿਜ਼ਮ ਵਿਭਾਗ ਨਾਲ ਮਿਲਕੇ ਆਮ ਖ਼ਾਸ ਬਾਗ ਤੇ ਪੰਜਾਬ ਦੀਆਂ ਹੋਰ ਟੂਰਿਜ਼ਮ ਥਾਂਵਾ ਦਾ ਸੁੰਦਰੀ ਕਰਨ ਕਰੇਗੀ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸਿੱਧੂ ਨੇ ਸੁਖਬੀਰ ਬਾਦਲ ਦੀ ਤਿੱਖੇ ਸ਼ਬਦੀ ‘ਚ ਆਲੋਚਨਾ ਕੀਤੀ ਤੇ ਕਿਹਾ ਕਿ ਅਕਾਲੀ ਸਰਕਾਰ ਨੇ ਪੰਜਾਬ ਦੀਆਂ ਟੂਰਿਸਟ ਥਾਵਾਂ ਮਾਰ ਕੇ ਪੰਜਾਬ ਦੇ ਲੋਕਾਂ ਨਾਲ ਵਿਕਾਸ ਦੇ ਨਾਂ ਤੇ ਧੋਖਾ ਕੀਤਾ ਹੈ।